ومعقوله تجـي منـك وترمينـي لأي انسـان=ويلملمنـي ولايلقـا أبعيونـي غيـر دمعـاتـي
انا ماصدق أنك انت تنهينـي مـن الوجـدان=وترميني وأنـا اشـوف القبـر نـادى مسافاتـي
وكسرني الشتاء ياوليد وأنت بداخلـي دفيـان=تحملت الأسـى كله عشانـك يابعـد ذاتـي
وصحى بي البرد واللاهوب وأنت بداخلي غفيان =تحملت السنيـن وياعسـى الله ايلملـم شتاتـي
أنا امك ياهيه أمك حملتـك والعـذاب ألـوان=ولدتك والألـم سكيـن يركـز داخـل لهاتـي
وأنا أثناء الولاده من بكا صوتك طعنت أحزان =لأني شفتك بصوتـك تنـادي كـل طموحاتـي
ومهدتك في عين وعين يشرب حزنهـا القـرآن =وهزيتك وكـان النـور يتهزهـز مـن دعاتـي
أضمك في يديني لا تجي وتقـول أنـا بـردان =تركت البرد لظلوعي رح أنشد رعشـة شفاتـي
وزولك من ركض فيني لمست بداخلي أوطـان=وتركتك تبني بمجدك على أكتـاف أنكساراتـي
وتذكر يوم مدرستك صدى وكفوفنا الحرمـان =وكانت رنتـه فلـس ٍ خنقتـه لـك بشيلاتـي
كبرت وصرت بعيوني شجاع ٍ أشهم الفرسـان=وحلفت أني على عرسك لرقـص كـل شيباتـي
أسولف للبشر عنك أقول ولابـه أي نقصـان=رضع عز الشهامه شـب طموحـه فـي معاناتـي
وله شان الصقر لا لا أخذ منه الصقر له شـان=يجي مثل الوضوء ان طب حنينـه فـوق راحاتـي
يقولون الولد هو خان أقول وليدي لا ماخـان=وهـم يـدرون ماغطـى منامـي غيـر وناتـي
أفا وشلون تتركني يكحلنـي عمـى النسيـان=وأنت أدرى في يوم الحشر جنه تحـت خطواتـي
لك الله مانطق صوتي لك ألا بدعـوة الغفـران=ولكن خوفي من حزني ومـن دعـوات عبراتـي
تدين اليوم ياوليدي وباكـر للأسـف تنـدان=ويرمونك مثـل أمـك وتذكـر حلـم شيباتـي