تعال ارســـم بقايا الحلــم وكمـل باقي الصوره=وعلقها علــى قلــب يشــوفك حلم يهنى به
وعلي اترك ســـواد الوقـت والويلات وكسوره=وتعال بشــوفي واتغطى عن أيــة ريح بأهدابه
لشيلك عـــن ظلام خذ شعاعي واهتني بنوره=واذا بك جــــرح حي الله راعي الجرح ومن جابه
همومك هاتها فيــني احبــك يعني مقدوره=احبك تنمـحي همــومك ولا لك هم تشقى به
انا لك مــن هــنا حتى مغيــب العمـر وزهوره=الى مشرق مشيـــب العمـر ليــن يغـيب بترابه
نويت اخذك واعطيــك الخفـــوق وباقي شعوره=حــلالك دمـــر وعــمر حبــيبي انت اولى به
تظـلل بالحنــان ولك غيــوم الشــوق ممطوره=ولا تفــكر بأي لحــظه يمســك قـبي بعتابه
واذا عاتب انا احـــشه حبيـبي لك من جذوره=واحبك فيك من قلبك هو اطهر قلب اسمى به
حبيبي بس تعال ارســم وكمـل باقي الصوره=وعلي الباقي لاتحاتي جـروح الوقــت وانيابه