هلا من مطلـع عيــونك لاول شمس بالافاق=ولا به نور غـــير انه اخذ من عينـك المشرق
ظلام يـــدورحضورك يبــي من عمرك الاشراق=وانامن عادتي وان شفـت وجهــك يبتسم /اشرق
تجيني وتصبـح الدنيا سمــوات وشعـر واوراق=واورق لـك يالبــيه الغــلا ولبــيه لك تورق
هلا من عيني ترفـرف لعينـك شوفها مشتاق=يبي من بسمـتك ياخذ حـنين اللـؤلؤ ويبرق
مثل موج البحر يابـن الحـلال تمـرني الاشواق=واناتعلق على صوتي واشوف الصمـت بك يغرق
اطالع فيك وتتشكل عيوني بداخل الاحداق=الى محارتيــن ودمعتيــن مــن الوله تبرق
احبك كثر ما فاق الحنيــن ومن حنانك فاق=خيال يحـاول يطـولك ويقصـر عنك وتفرق
شبيه البحر انا احبك من الاعماق للاعماق=وصمتي لك سـما تسـولف عليك بلونها الازرق