وقف ولا ترمي وداعـك بالاعيـان=محتاج أنـا لـذرة امـل فـي سنينـي
هذي تفاصيل العمر وسط الاجفـان=صـوّر واماكـن فـي عيونـي تجينـي
والله من تطري وسط عمر الاحـزان=كل الفرح من لـون وجهـك يجينـي
مثل المطر يركض على الارض ولهـان=هـذا انـت دايـم بالولـه محتوينـي
يكبر غيابك لو كبر وسط الاشجـان=يكبر معه في شـوق عمـري حنينـي
الماي في قلبي مـن الشـوق كثـران=صبيت دمعي وشفت قلبـك بيدينـي
قلت احضنه في وسط يديني على شان=مايلمس أطرافـه حـزن مـن ونينـي
حتى ولو اختـرت فرقـاك عنـوان=يكفي بيدينـي قلـب عمـرك يبينـي
ماهي حكاية انت رابـح وخسـران=او هـي حكايـة ياابيـك وتبيـنـي
المسأله روحين فـي داخـل انسـان=شفتك رحلت وشفت روحك في عيني
غمضت أرد الروح من خلف الأجفان=عشان أصدق كذبتـي انـك تجينـي