هذا القلم حبره من قلوب الأحباب =وشلون مايكتب من الطيـب للطيـب
انتـم تصبـون المحبـه بالاهـداب=وطشيت انا دمـــعي بعين المكاتيب
وشلون ادور من ورى شعري القاب=وانتـم تشبـون المحبـه تراحـيـب
قلت القلم وان طاب منكم اذا طاب=وانا علي اسمـو بجنابـه عـن العيـب
مدام هذا الطيب انتم لـه اصحـاب=ودايـم تمـدون الهـلا والمواجـيـب
أنا عرفت ضيوفكم لو هـم اجنـاب=من طيبكم صـارو عليكـم معازيـب
اهلي واشوف الارض تنبت بالاعشاب=اهلي واشوف العز منهم هـو يطيـب
مشوار شعري لو تجي فيه الانشـاب=اطحـن ظلـوع انشابهـم بالمخاليـب
المجد حطيتـه علـى راس مرقـاب=رغم انهـم يخفـون عنـي المراقيـب
وان رددو ان الشعـر فيـه انيـاب=انيابهم مـن فعـل شعـري معاطيـب
تجمعو يبغون راسـي بـلا اسبـاب=وانا اغنـي للوطـن يومـه صويـب
تجمعو في وصف تلعـات الارقـاب=وانا في وصف الام عنـدي اساليـب
وان كانهم فوق المنابـر هـم ذيـاب=شفني على المنبر انـا بروحـي الذيـب
جنبت انااسفاف الشعر لأجل الاشناب=وقلت احشم المعنى من اجل الرعابيـب
مدام اجي واحسب لكم مية حساب=والله مايلحـق قصيـدي عـذاريـب
الشعر له فعـل وتواريـخ وانسـاب =صيب هقـوات السنافـي ولا يخيـب
وهذا الشعر ادري له حضور وغيـاب=وبقلوبكم مثلي حضر لو هـو يغيـب
ودام القلم حبره من قلوب الاحبـاب=لابد انا اسمو في جنابـه عـن العيـب