تجيني طيف ياعمري على جنحان شوقي لـك=أخاف أرمش من عيوني وأبعثر صورة وصالك
حبيبي لاتجيني قول .وين أنت..وأنـا أجيلـك=أبيك تقول..وين أنت وعلى عيوني أنا اسعى لك
وربي فوق روس الشوك اخلي القلب يمشيلك=واخلي ظلالي يسبقني قبـل يحضنـي منزالـك
ثواني بس أب اتهندم من عيونك وباهديلـك=في عينك ضحكةٍ حتي تكحل عيـن عذالـك
يقولو الناس بغيابي تشب القلب ويضويلـك=حنيني ومن وهج شوقه يميل القلـب لامالـك
قضى دمعي من عيوني أبي من عينك ابكيلك=ابنثر من ورى عيوني دموع عيـون ترحالـك
تعبت اهرب من الأشيا البسيطه من تفاصيلك=تعبت اسأل زوايانا عن اول واخـر أحوالـك
وحتى الشوق من صبح الدرايش قام يهديلك=عصافير الرضا ترفرف على بيبـان مدخالـك
هنا ترمي صباح الخير قبل تروح وأدعيلـك=وهنا تضوي مساء الخير في عيني من هلالـك
انا من الليل يقطفني شعوري لك واغنيلـك=أنا من الصبح ليلني الحزن من لـون موالـك
حرام الليل ماهو ليل اذا ماكنت فـي ليلـك=وحرام الصبح ماهو صبح اذا ما كنت بظلالك
تروح وقلت احط روحي على كفي واناديلك=نزعت العمر من شفت الغلا بالروح نادالـك
بربك قول و ش سوى الفراق بوجه منديلك=تسيل الوان طيفي فيه الا من البكـا سالـك
حبيبي لايبكيك الفـراق ولا يهـد حيلـك=أخاف الدمع من عينك يجفف صورتي فبالـك
تعال احتاج اسولفلك عن الايام و أشكيلـك=وافض غيم الحزن و انثر حنين الشوق بأقبالك
تعال وحط في قلبي هموم الفرقـا وأشيلـك=لأن القلب ماهو قلب اذا في نبضـه ماشالـك
وقف دمعي من عيوني ابي من عينك ابكيلك=أخاف أبكي من عيوني وأبعثر جية وصالـك